Jón "söðli" Jónsson, Island
Jón Jónsson blev født 2. februar 1829 i Eyvindarholt under Eyjafjöll, men boede størstedelen af sit liv i Hlíðarendakot. Han var sadelmager og kaldtes for Jón Söðli.
"Jón söðli [...] Jónsson [...] var fæddur í Eyvindarholti undir Eyjafjöllum 2. febr. 1829. [...] Þá er Jón kom á æskustöðvar sínar, settist hann að í Hlíarendakoti í Fljótshlíð, og þar stundaði Jón handverk sitt um hálfa öld; dvaldi hann þar mestan hluta æfi sinnar, og var við þann bæ bezt þektur undir nafninu Jón söðli. — Sá bær og þær sveitir höfðu margar endurminningar um Jón, drengskap hans og göfugmensku. í Hlíðarendakoti ólst upp stór hópur af unglingum, sem allir báru ótakmarkaða velvild til Jóns söðla, þar á meðal þjóðskáldið góðkunna, Þorsteinn Erlingsson. Varð Jón söðli fyrstur manna til að opna augun á mönnum fyrir þessum unga gáfumanni, Þorst. Erlingsyni. [...] Jón söðli var allvel mentaður maður, og mjög vel viti borinn; átti mikið og gott bókasafn; var hann vel að sér i sögu landsins, og fróður um margt. Hann las og skildi allmikið í ensku, sem þá var ekki alment um alþýðumenn á þeim tímum. Allir útlendir ferðamenn, sem komu að sjá hina söguríku og fögru sveit, heimsóttu Jón söðla og fengu hann til fylgdar inn á Þórsmörk og víðar um landið. Einn af hin- um mörgu útlendingum, sem Jón fylgdi, var enska skáldið William Morris. Gaf skáldið Jóni stórgjafir og batt við hann æfilanga vináttu. Að skáldinu látnu sendi kona hans Jóni peninga, allmikla upphæð, að fyrirlagi mannsins síns." - Guðmundur Ólafsson, Þjóðminjasafns Íslands.
